FlinkVind is gestig deur twee Afrikaanse entrepreneurs wat sterk glo in besigheidsetiek. Ons het besef Afrikaans is besig om uit te sterf en ons wil dit graag verhoed. Ons word gereeld goue berge beloof, maar sonder bevestiging of betroubare verwysings. Op reis na nuwe omgewings, is dit ‘n uitdaging omdat besighede se betroubaarheid onbekend is. Ons droom was om ‘n Afrikaanse besigheidsnetwerk te ontwikkel waar ALLE verbruikers met gemoedsrus, op ‘n Internasionale-vlak, besighede kan kontak. Daarmee gepaard wil ons graag Suid-Afrikaanse entrepreneurs in die buiteland ondersteun.Ons het dus aan die konsep gekom van FlinkVind: ‘n vinnige, betroubare netwerk wat Nasionaal en Internasionaal beskikbaar is. Die keuringsproses vir besighede sluit onder andere in betrokke eienaars met streng etiese en morele waardes in. Ons bied dan die verbruikers die opsie om besighede te gradeer, asook kommentaar te lewer, oor hul ondervinding met hierdie besighede. Ander verbruikers kan hierdie dus as verwysing gebruik voordat hulle ‘n besluit neem.